Constitúe o turismo de praia ou sol, sen dúbida, o que experimentou un maior desenvolvemento e o que maiores beneficios xerou ata a data, aínda que non por iso esquezamos as enormes posibilidades que este municipio ofrece ao crecente "turismo verde ou rural".

Varias son as razóns que xustifican por qué Barreiros é un dos principais referentes turísticos da Mariña Lucense e, en particular, cunhas expectativas de futuro máis próspero. Unha delas sempre estivo presente, para goce dos aldeáns e cada ano de máis visitantes: as súas praias. Barreiros é un dos municipios galegos con máis bandeiras azuis nos seus areais, sete. O mar aberto fai que a auga sexa limpa durante todo o ano e a branca e fina area de cuncha danlle un carácter particular, practicamente exclusivo, ás praias, nas que pasear convértese nun auténtico pracer.

É, o turismo verde ou rural, o máis innovador, o máis recente, o menos coñecido e ao que debemos darlle unha oportunidade.

Este turismo alberga enormes posibilidades neste municipio costeiro, e constitúe unha alternativa ao turismo de praia e á vez, sérvelle de complemento, por iso é polo que debamos potencialo máis.

Xa sinalamos que a nosa natureza é rica e variada, e o mesmo ocorre ao falar das nosas tradicións e costumes populares, por todo iso adentrémonos nel.

Destacamos a unha serie de cumes, altos ou miradoiros, que ofrecen unhas belas e incomparables vistas panorámicas, paisaxes de gran beleza que todos deberiamos coñecer e porqué non, visitar.